Light & Bright

Sí mun — kenn mun — strála aftur

Ynskir tú slættari, fastari og meira javna húð – uttan langa “downtime”

Light & Bright er ein av okkara mest elskaðu viðgerðum, tí hon gevur sjónlig úrslit eftir hvørja viðgerð og gevur varandi betringar yvir tíð. Viðgerðin er samansett, við IPL og Frax, ið arbeiðir í yvirflatuni og djúpt í húðini.

Viðgerðin er serliga góð til tín, ið:

hevur pigmentplettar, sólskaðar ella ójavna húðtóna
hevur reyða húð ella smáar sjónligar æðrar
hevur fínar linjur, rukkur, arr ella strekkmerkir
brún, pink ella reyð misslitaði arr
ynskir frískari, yngri og meira strálandi húð
vil hava veruligan mun – uttan langa downtime

Online booking

HVAT ER LIGTH & BRIGHT?

IPL

minkar um pigmentplettar, sólskaðar og gevur javnari húðtóna
minkar um reyða húð og smáar æðrar
stimbrar kollagenframleiðsluna og gevur fastari húð

FRAX EFTIR TØRVI – IPL + (Frax 1550 / 1940)

Vit velja alt eftir tínum tørvi, hvør Frax lasari er best til tín!

FRAX 1550 – DJÚP KOLLAGENBYGGING

Arbeiðir djúpt í húðini og er serliga góð til:

rukkur og fínar linjur
stórar porur
arr, akniarr, skurðarr o.l.
slappa húð
langtíðar kollagenendurnýggjan

Úrslitini koma yvir tíð og geva fastari, sterkari, vakri og yngri húð.

FRAX 1940 – YVIRFLATA, GLÓÐ & PIGMENT

Arbeiðir í yvirflatuni og er serliga góð til:

pigmentplettar, sólskaðar og ójavnan húðtóna
fínar linjur og porur
manglandi glóð og frískleika

Gevur ofta skjóta sjónliga “glass skin” líknandi húð.

HVAT ÚRSLIT KANST TÚ VÆNTA?

klárari og javnari húð
minni reyða húð og færri pigment
slættari struktur og betri glóð
fastari húð, sum sær frískari út

Flestu fáa besta úrslit eftir 2–4 viðgerðir, men hetta velst um húð, aldur og útgangsstøði.

TÍÐ & DOWNTIME

Viðgerðin tekur uml. 90 minuttir
Lítil ella eingin downtime
Húðin kann vera heit, turr og eitt sindur hovin fyrstu dagarnar
Eftir 3–7 dagar sær húðin vanliga normal út, og glóðin heldur fram at batna

TRYGD & KUNNLEIKI

arbeiða undir læknaligari ábyrgd
allar laserviðgerðir verða mettar og góðkendar av húðlækna
framdar av væl útbúnum og royndum starvsfólki
byggja á FDA-góðkenda tøkni

ÁÐRENN / AFTANÁ

Fyri at tryggja besta og tryggasta úrslit er týdningarmikið, at tú:

onga sól í minst 4 vikur áðrenn viðgerðina
ongan sjálvbrúnara í minst 2 vikur áðrenn
steðgar við sterkum (retinol, sýrur o.l.) dagarnar áðrenn
møtir til viðgerðina við reinsari húð uttan make-up

UNDIR VIÐGERÐ

Viðgerðin er skjót og vanliga væl told. Áðrenn Light & Bright fært tú doyvandi krem smurt á húðina.
Flestu kenna ein mildan hita ella prikkandi kenslu, meðan lasarin arbeiðir í yvirflatuni av húðini.

Viðgerðin tekur uml. 60 – 75 minuttir, alt eftir øki.

AFTANÁ

Beint aftaná kann húðin kennast heit, og eitt sindur av roða kann síggjast – líknandi einum sólbruna. Hetta varar oftast í 4-6 tímar.
Komandi dagarnar kann húðin kennast turr og strømm.

Triðja og fjóðra dagin kennist húðin sum “fínt sandpapír” og kann skalla lætt, sum er eitt natúrligt tekin um, at húðin endurnýggjar seg.

Flestu kunnu fara aftur til gerandisdagin sama dag ella dagin eftir.

Tó tekur tað ofta 3 – 7 dagar til at húðin sær vanlig út aftur.

Úrslitini síggjast ofta longu eftir fyrstu viðgerð og halda fram at betra seg yvir vikur og mánaðir.

MAKE UP

Einki Make Up fyrstu 24 tímarnir

Ikke-navngivet-9.jpg 775x900 frax 1940 2

HVAT OG HVUSSU

Hjá Klinikk B byrjar tú altíð við eini ókeypis og óbindandi viðtalu. Her tosa vit saman um tín tørv, ynskir og væntanir til Light & Bright -viðgerðina. Út frá hesum leggja vit eina vegleiðandi persónliga viðgerðarætlan, sum er tillagað júst til tín og tína húð.

GÓÐKENNING

Klinikk B hevur húðlækna, um tú ikki ert góðkend av okkara klinikk húðlækna, er neyðugt við góðkenning áðrenn viðgerðin byrjar. Hetta verður skipað í sambandi við tína tíð til vegleiðing, har vit gera journal v.m.

HVUSSU NÓGVAR VIÐGERÐIR

Vanliga verður mælt til 2–4 Light & Bright -viðgerðir við 4–6 vikum ímillum. Djúpar rukkur og arr, kunnu krevja fleiri viðgerðir men talið av viðgerðum verður avgjørt í samráð við teg – alt eftir húðgóðsku, útgangsstøði og aldri.

Myndir av gongdini hjá Unn – dag 0 -1 -2 -3 og dag 14. (Unn var eitt sindur reyð og hovin fyrstu dagarnar).

Úrslitið verður betri og betri komandi vikurnar.

Her eru myndir av tilgongdini hjá Unn - mynd av dag 0, 1, 2, 3 & dag 14

FRAX 1940 VS. FRAX 1550 – HVØR GER HVAT?

Frax 1940 (1940 nm)
Arbeiðir í yvirflatuni til pigmentering, sólskaðar, ójavna húðtóna og fínar linjur.
Fínpussar húðyvirflatuna og gevur skjóta glóð / “glass skin”.

Frax 1550 (1550 nm)
Djúpvirkandi laser til struktur, rukkir, arr, porur og kollagenstimbran.
Byggir húðina upp innanífrá fyri fastleika og varandi úrslit.

Dual Frax
Sameinir báðar bylgjulongdirnar fyri heildar endurnýggjan av húðini – TAÐ BESTA FRÁ BÁÐUM við minimalari “downtime”.

Húðrøkt sum partur av viðgerðini

Røtt og góð húðrøkt er ein avgerandi partur av gongdini og hevur stóran týdning fyri bæði grøðing og endaliga úrslitið.
Vit mæla til eina samanseting av andioxiderandi verju, djúpum fukti og høgari sólverju, sum styðjar húðina best møguliga aftaná viðgerð.

Vit viðmæla hesi 4 lyklaproduktini:

AOX Ferulic frá Mesoestetic
Eitt sterkt andioxiderandi serum, sum verjir húðina, gevur glóð og stuðlar endurnýggjan – serliga gott vikuna aftaná viðgerð.
Really Rich Moisturizer frá Bioelements
Ríkt, nærandi krem til húð, ið hevur tørv á nógvum fukti.
Barrier Daily Fix frá Bioelements
Lætt, men sera virksamt krem, ið styrkir húðbarrieruna og gevur skjótari ró og balansu.
Melan 130+ Pigment Control frá Mesoestetic
Høgt verjandi sólkrem við farvu, ið verjir móti pigmentafturfalli og er eitt “must have” í minst 4 vikur aftaná viðgerð.