Dual Frax

NÓGV MEIRA ENN “GLASS SKIN”

Vit eru errin av at bjóða Dual Frax Laser hjá Klinikk B – ein viðgerð, sum flytur húðendurnýggjan upp á eitt nýtt støði. Við tveimum framkomnum bylgjulongdum í einari og somu viðgerð arbeiða vit bæði í yvirflatuni og djúpt í húðini.

HETTA GEVUR:

úrslit, sum síggjast her og nú
eina húð, sum verður styrkt og endurnýggjað yvir tíð

Dual Frax er til tín, ið ynskir eina laser-viðgerð, sum bæði kann fínpussa strukturin í húðini, minka um rukkir og javna húðtónan – alt í einum og uttan langa grøðingartíð.

Henda samansetta laser-viðgerð er ein av teim mest framkomnu tøkninum innan húðynging, tí hon arbeiðir djúpt í húðini og á yvirflatuni.

Longu eftir fáum døgum sæst ein húð, sum er fastari, slættari, javnari, vakrari og strálar við náttúrligari glóð.

Online booking

DUBULT VIÐGERÐ - DUBULT ÚRSLIT

Samspælið millum báðar Frax-lasarnir gevur eina heilt serliga effekt:

húðin verður styrkt innanífrá
fínpussað uttanífrá

Úrslitið er ein javnari og fastari húð við sunnari, náttúrligari glóð – ein betring, sum bæði sæst og følist.

TVÆR BYLGJULONGDIR

Dual Frax sameinir tvær bylgjulongdir – Frax 1550 og Frax 1940 – og arbeiðir bæði djúpt í húðini og á yvirflatuni. Hetta ger viðgerðina serliga virksama, tí hon bæði:

betrar húðstruktur og fastleika
økir elastisitetin
javnar húðtónan við at minka um pigmentering og sólskaðar

SOLEIÐIS VIRKAR DUAL FRAX

Lasarin skapar smáar kontrolleraðar “hitastólpar” í húðina – punktvísar upphitingar, umgirdar av órørdum vevnaði. Hetta setir gongd á natúrligu grøðingina – og førir til endurnýggjan av vevnaðinum.

FRAX 1550 – DJÚP BYGGING

Røkkur uml. 0,8 mm niður í húðina og stimbrar djúpa kollagen- og elastinframleiðslu.
Viðgerðin:

betrar húðstruktur
minkar um fínar linjur, rukkur, akniarr og strekkmerkir
virkar uppstrammandi og styrkjandi

FRAX 1940 – FÍNPUSSAN AV YVIRFLATUNI

Røkkur uml. 0,2 mm niður í húðina og arbeiðir við:

pigmentering og sólskaðar
ójavnan húðtóna

Frax 1940 gevur ofta eina “glass skin”- líknandi húð við strálandi glóð.

TVEY STIG – EITT ÚRSLIT

Við at sameina báðar bylgjulongdirnar í somu viðgerð fæst ein heildar betran av húðini, ið viðgerð bæði tekstur og húðtóna – við sjónligum og varandi úrslitum.

ÁÐRENN / AFTANÁ

Fyri besta og tryggasta úrslit er týdningarmikið, at tú:

onga sól hevur fingið í minst 4 vikur
ongan sjálvbrúnara í minst 2 vikur
steðgar við sterkum retinol, sýrur o.l. dagarnar áðrenn
møtir til viðgerðina við reinsari húð uttan make-up

UNDIR VIÐGERÐ

Viðgerðin er skjót og vanliga væl told. Áðrenn Dual Frax fært tú doyvandi krem smurt á húðina.
Flestu kenna ein mildan hita ella prikkandi kenslu, meðan lasarin arbeiðir í yvirflatuni av húðini.

Viðgerðin tekur uml. 60 – 90 minuttir, alt eftir øki.

AFTANÁ

Beint aftaná kann húðin kennast heit, og eitt sindur av roða kann síggjast – líknandi einum sólbruna. Hetta varar oftast í 4-6 tímar.
Komandi dagarnar kann húðin kennast turr og strømm.

Triðja og fjóðra dagin kennist húðin sum “fínt sandpapír” og kann skalla lætt, sum er eitt tekin um at húðin endurnýggjast.

Tað tekur ofta 5-7 dagar til at húðin sær vanlig út aftur. Tó kunnu tey flestu fara aftur til gerandisdagin sama dag ella dagin eftir.

Úrslitini síggjast longu eftir fyrstu viðgerð og halda fram at betra seg yvir vikur og mánaðir.

MAKE UP

Einki make up fyrstu 24 tímarnir

HVAT OG HVUSSU

Hjá Klinikk B byrjar tú altíð við eini ókeypis og óbindandi viðtalu. Her tosa vit saman um tín tørv, ynskir og væntanir til viðgerðina. Út frá hesum leggja vit eina vegleiðandi persónliga viðgerðarætlan, sum er tillagað júst til tín og tína húð.

GÓÐKENNING

Klinikk B hevur húðlækna. Um tú ikki ert góðkend av okkara klinikk húðlækna, er neyðugt við góðkenning áðrenn viðgerð byrjar. Hetta verður skipað í sambandi við tína tíð til vegleiðing, har vit gera journal v.m.

HVUSSU NÓGVAR VIÐGERÐIR

Vanliga verður mælt til 2–4 Dual Frax -viðgerðir við 4–6 vikum ímillum. Djúpar rukkur og arr kunnu krevja fleiri viðgerðir. Talið av viðgerðum verður avgjørt í samráð við teg – alt eftir húðgóðsku, útgangsstøði og aldri.

ER DUAL FRAX TAÐ RÆTTA FYRI MEG?

Dual Frax er ideell til tín, ið ynskir:

meira javna, fasta og ungdómliga húð
minkan av linjum og rukkum
minkan um pigmenteringar og sólskaðar
minkan av arr ella strekkmerkir

Viðgerðin er til øll, ið ynskja eina húð, sum sær frískari, sunnari og meir einsarta út. Hon kann tillagast persónligt, óansæð um fokus er á:

linjur og rukkir
pigmentbroytingar
arr
ella generella endurnýggjan av húðini

FYRIBYRGING ELLA BETRAN – BÆÐI VIRKA

Vit mæla ofta til at hugsa í fyribyrging:
Jú fyrr tú byrjar at styrkja húðina, jú longri kanst tú varðveita fasta, vakra húð við glóð og ungdómligari útsjónd.

Men um tú byrjar seinni, kann Dual Frax Laser virka reparerandi og skapa týðandi sjónligar betringar.

HVAR KANN DUAL FRAX NÝTAST?

Dual Frax Laser kann nýtast á:

andlitið
hálsin
hondum
allastaðnis har húðin hevur tørv á eini endurnýggjan og styrkjandi viðgerð

FRAX 1940 VS. FRAX 1550 – HVØR GER HVAT?

Frax 1940 (1940 nm)
Arbeiðir í yvirflatuni til pigmentering, sólskaðar, ójavna húðtóna og fínar linjur.
Fínpussar húðyvirflatuna og gevur skjóta glóð / “glass skin”.

Frax 1550 (1550 nm)
Djúpvirkandi laser til struktur, rukkir, arr, porur og kollagenstimbran.
Byggir húðina upp innanífrá fyri fastleika og varandi úrslit.

Dual Frax
Sameinir báðar bylgjulongdirnar fyri heildar endurnýggjan av húðini – TAÐ BESTA FRÁ BÁÐUM við minimalari “downtime”.

Húðrøkt sum partur av viðgerðini

Røtt og góð húðrøkt er ein avgerandi partur av gongdini og hevur stóran týdning fyri grøðing og endaliga úrslitið.
Vit mæla til andioxiderandi verju, djúpum fukti og høgari sólverju SPF 50, sum styðjar húðina best møguliga aftaná viðgerð.

4 LYKLAPRODUKTIR

AOX Ferulic
Sterkt andioxiderandi serum, sum verjir húðina, gevur glóð og stuðlar endurnýggjan – serliga gott vikuna aftaná viðgerð.
Really Rich Moisturizer frá Bioelements
Ríkt nærandi krem til húð, ið hevur tørv á nógvum fukti.
Barrier Daily Fix frá Bioelements
Lætt, men sera virksamt krem, ið styrkir húðbarrieruna og gevur skjótari ró og balansu.
Melan 130+ Pigment Control frá Mesoestetic
Høgt verjandi sólkrem við SPF 50 og farvu, ið verjir móti pigmentafturfalli og er eitt “must have” í minst 4 vikur aftaná viðgerð.