Frax 1550

JAVNARI, FASTARI OG YNGRI HÚÐ VIÐ LASER IÐ ARBEIÐIR Í DJÚPTINI

Frax 1550 er ein sera effektiv fraksjónerað laser-viðgerð, ið arbeiðir djúpt í húðini, uttan at skaða yvirhúðina. Viðgerðin stimbrar húðina innanífrá og minkar sjónliga um rukkir, fínar linjur og ójavna húðstruktur – uttan langa grøðingartíð.

Frax 1550 er serliga væl egnað til at betra um:

rukkir og linjur, eisini rundan um munnin
myrkar randar og fínar linjur um eyguni
grova húð og stórar porur
arr, akniarr, skurðarr, brandarr v.m
strekkmerkir

Samtíðis fær húðin nýggja glóð og eina javnari, slættari struktur.

Frax 1550 kann nýtast einsamøll, saman við IPL sum partur av okkara Light & Bright-viðgerð, ella saman við Frax 1940 sum ein Dual Frax-viðgerð.

Viðgerðin betrar um heildargóðskuna av húðini, tí hon setir kroppin í gongd at framleiða nýtt kollagen. Hetta gevur eina húð, sum gerst: fastari, meira elastisk, vakrari og sterkari.

Frax 1550 hevur bæði húðyngjandi og uppstrammandi ávirkan, og úrslitini halda fram at menna seg yvir tíð.

Online booking

Frax 1550 er serliga góð til:

fínar linjur og rukkir
manglandi fastleika og elastisitet
grovan og ójavnan húðstruktur
arr, akniarr, skurðarr, brandarr v.m
strekkmerkir
slaka húð og aldurstekin
matta, troytta, lívleysa húð, ið manglar styrki innanífrá

Frax 1550 arbeiðir djúpt í húðini og stimbrar kollagenframleiðsluna, sum gevur eina húð, ið gerst fastari, sterkari og yngri húð yvir tíð.

NATÚRLIG FYLLA TIL VARRAR

Við árinum blíva varrarnar ofta minni og rukkutari. Frax 1550 kann endurskapa fyllina og gera varrarnar meira fyldigar uttan filler. Minka um linjurnar rundan um munnin, so varrarnar síggja yngri og frískari út.

HVAT OG HVUSSU

Hjá Klinikk B byrjar tú altíð við eini ókeypis og óbindandi viðtalu. Her tosa vit saman um tín tørv, ynskir og væntanir til viðgerðina. Út frá hesum leggja vit eina vegleiðandi persónliga viðgerðarætlan, ið er tillagað júst til tín og tína húð.

GÓÐKENNING

Klinikk B hevur húðlækna. Um tú ikki ert góðkend av okkara klinikk húðlækna, er neyðugt við góðkenning áðrenn viðgerðin byrjar. Hetta verður skipað í sambandi við tína tíð til vegleiðing, har vit gera journal v.m.

HVUSSU NÓGVAR VIÐGERÐIR

Vanliga verður mælt til 2–4 Frax 1550-viðgerðir við 4–6 vikum ímillum. Djúpar rukkur og arr, kunnu krevja fleiri viðgerðir men talið av viðgerðum verður avgjørt í samráð við teg – alt eftir húðgóðsku, útgangsstøði og aldri.

VIÐGERÐAGONGD

Fyri besta og tryggasta úrslit er týdningarmikið, at tú:

onga sól hevur fingið í minst 4 vikur
ongan sjálvbrúnara í minst 2 vikur
steðgar við sterkum retinol, sýrur o.l. dagarnar áðrenn
møtir til viðgerðina við reinsari húð uttan make-up

UNDIR VIÐGERÐ

Viðgerðin er skjót og vanliga væl told. Áðrenn Frax 1550 fært tú doyvandi krem smurt á húðina.
Flestu kenna ein mildan hita ella prikkandi kenslu, meðan lasarin arbeiðir í yvirflatuni av húðini.

Viðgerðin tekur uml. 60 – 90 minuttir, alt eftir øki.

AFTANÁ

Beint aftaná kann húðin kennast heit, og eitt sindur av roða kann síggjast – líknandi einum sólbruna. Hetta varar oftast í 4-6 tímar.
Komandi dagarnar kann húðin kennast turr og strømm.

Triðja og fjóðra dagin kennist húðin sum “fínt sandpapír” og kann skalla lætt, sum er eitt tekin um at húðin endurnýggjar seg.

Flestu kunnu fara aftur til gerandisdagin sama dag ella dagin eftir.

Tó tekur tað ofta 3 – 5 dagar til at húðin sær vanlig út aftur.

Úrslitini síggjast ofta longu eftir fyrstu viðgerð og halda fram at betra seg yvir vikur og mánaðir.

MAKE UP

Einki Make Up fyrstu 24 tímarnir

FRAX 1940 VS. FRAX 1550 – HVØR GER HVAT?

Frax 1940 (1940 nm)
Arbeiðir í yvirflatuni til pigmentering, sólskaðar, ójavna húðtóna og fínar linjur.
Fínpussar húðyvirflatuna og gevur skjóta glóð / “glass skin”.

Frax 1550 (1550 nm)
Djúpvirkandi laser til struktur, rukkir, arr, porur og kollagenstimbran.
Byggir húðina upp innanífrá fyri fastleika og varandi úrslit.

Dual Frax
Sameinir báðar bylgjulongdirnar fyri heildar endurnýggjan av húðini – TAÐ BESTA FRÁ BÁÐUM við minimalari “downtime”.

Húðrøkt sum partur av viðgerðini

Røtt og góð húðrøkt er ein avgerandi partur av gongdini og hevur stóran týdning fyri bæði grøðing og endaliga úrslitið.
Vit mæla til andioxiderandi verju, djúpum fukti og høgari sólverju SPF50, sum styðjar húðina best møguliga aftaná viðgerð.

4 LYKLAPRODUKTIR

AOX Ferulic frá Mesoestetic
Sterkt andioxiderandi serum, ið verjir húðina, gevur glóð og stuðlar endurnýggjan – serliga gott vikuna aftaná viðgerð.
Really Rich Moisturizer frá Bioelements
Ríkt, nærandi krem til húð, ið hevur tørv á nógvum fukti.
Barrier Daily Fix frá Bioelements
Lætt, men sera virksamt krem, ið styrkir húðbarrieruna og gevur skjótari ró og balansu.
Melan 130+ Pigment Control frá Mesoestetic
Høgt verjandi sólkrem við farvu, ið verjir móti nýggjum skaðum og er eitt “must have” í minst 4 vikur aftaná viðgerð.