Klinikk B kann enn einaferð samanbera seg við heimselituna. Vit bjóða nú ta nýggjastu nýggju feittminkandi viðgerðina, feitt-frysting. Eisini slonk fólk og fólk, ið ikki viga for nógv kunnu hava trupulleikar við feittdepotum.
Tey mest umstríddu umráðini á kvinnukroppum eru: ”dansihondtøk”, búkur, lør, armar, knø og ‘BH-dellur’. Hjá monnum er búkur, síðudellur og mannfólkabringa oftast trupulleikin.
Hesi feittdepot eru sum oftast hormonelt ella genetiskt treytaði, og eru sera ring at fáa burtur við klænkikurum og venjing. Men nú hevur tað treiska feittið fingið sín yvirmann! Feitt-frysting er ikki ein klænkikurur, men ein máti at taka tey ”treisku” feittdepotini burtur.
Klinikk B bjóðar nú sum tey fyrstu í Føroyum, at frysta títt feitt burtur við tí nýggjastu nýggju viðgerðini. Feittfrysting er góðkent av FDA, hevur stórtsæð eingi hjáárin og verður veitt á fleiri sjúkrahúsum og viðgerðastovum. Persónlig vegleiðing hjá okkara serkønu starvsfólkum tryggjar tær loysnina, ið passar júst til tín!
Feittminking uttan kirurgiFeittfrysting er nýggjasta tøkni innan feittminking uttan kirurgi. Viðgerðin tekur bert ein tíma fyri hvørt umráði, hon er pínufrí, krevur onga doyving og ongan knív. Tú kanst fara beint til arbeiðis aftaná viðgerðina. Meðan tú fært viðgerð, kanst tú lesa, hvíla ella arbeiða við teldu.
Í meðal minkar feittið umleið 20-30% fyri hvørja viðgerð. Hevur tú dansihondtøk ella búk, ið hvørki fara burtur við klænkikurum ella málrættari venjing, kann Feittfrysting hjálpa tær. Við at niðurkøla feittvevnaðan, niðurbrótast sjálvar feittkyknurnar. Úrslitið kemur so líðandi gjøgnum fleiri vikur, og endaliga úrslitið sæst 2-3 mánaðir aftaná. Húð, vøddar, blóðkør og nervar verða ikki niðurbrotin.
Við niðurkøling verður feittið niðurbrotið permanent. Eitt serligt hondtak á maskinuni sýgur seg fast á økið. Hondtakið er sum ein súgvikoppur og sýgur feittið inn millum tvær køluplátur. Orsakað niðurkøling gerast feittkyknurnar sárbarar og doyggja. Hvørki húð, vøddar, blóðkør ella nervar ávirkast av kuldanum. Viðgerðin tekur umleið ein tíma fyri hvørt umráði. Fleiri umráði kunnu viðgerðast sama dag.
Beint aftaná viðgerðina skalt tú ikki vænta at síggja nakað serligt, úrslitið byrjar at síggjast aftaná nakrar vikur. Feitt-frystingin ger, at feittkyknurnar takast permanent burtur. Tær kunnu ikki endurnýggjast ella vaksa aftur. Tú hevur sostatt færri feittkyknur aftaná viðgerðina, enn tú hevði áðrenn.
Til vinstru sæst at hvussu er við feittkykninum eru aftaná vanligt vekttap, feittkyknurnar minka men eru tær somu í tali. Til høgru sæst hvussu nógv færri feittkyknur eru aftaná Feittfrysting. Feittkyknurnar hvørva og koma ikki aftur.
Feittfrysting er til kvinnur og menn í øllum aldri, og er best egnað til tey ið liggja innanfyri 20-30 kg av teirra idealvekt. Eisini til tey sum hava tapt seg og eru í ferð við at tapa seg.
Stórtsæð allastaðni har tú hevur ” feitt-lummar”, ið tú kanst taka í; so sum BH dellur, dansihondtøk, búk, rygg, armar, innaralør, uttaralør, knø, kinnar, mannfólkabringa v.m.
Alt eftir hvussu stórt umráði tú ynskir viðgjørt, kann tað vera neyðugt við fleiri viðgerðum. Til dømis kunnu tvey hondtøk setast undir nalvan og tvey omanfyri nalvan: í alt 4 hondtøk. Ynskir tú bert at taka feitt burtur t.d undir nalvanum, er nokk við tveimum hondtøkum, eitt á høgru og eitt á vinstru síðu. Ynskir tú at taka feitt burtur undir nalvan, omanfyri nalvan og á síðudellirnar ella BH dellurnar, er neyðugt við fleiri hondtøkum.
Okkara maskina er av nýggjasta slag, og kann viðgerða við fýra hondtøkum í senn. Hvør viðgerð tekur umleið ein tíma. Sí niðanfyri hvørji úrslit tú kanst vænta tær!
G.G Sum nakað nýtt, hava vit fingið Cryo Mini. Cryo Mini kann frysta smærri økir sum undirhøku, knø v.m.
Tað er ein persónlig og ikki medisinsk avgerð. Sera nógv fólk, hava feitt-samlingar, ið tey ynskja burtur, men bert ein lítil prosentpartur av hesum fólkum umhugsa skurðviðgerð. Um tú ikki ynskir doyving, nálir, sjúkrameldan og arr, so er feitt-frysting heilt víst tað rætta til tín.
Ja! Og vanligt er, at feittið minkar umleið 20-30% aftaná fyrstu viðgerð. Tey flestu fáa eina viðgerð, men um nógv feitt er, kann vera neyðugt við 1-3 viðgerðum á sama umráði, við umleið 8 vikum ímillum – tó minst 4 vikur.
Nei, hjá teim flestu eru eingin, tey hjárini sum sjáldan eru, kunnu verða blá merkir, eymheit og hevilsi, men hettar er ógvuliga sjálvsamt.
Húðin hevur evni at víðka og trekkja seg saman. Vanlig leys húð vil oftast trekkja seg fínt saman, men er húðin illa skrødd/leys og hongur sum eitt ”fyrriklæði” skalt tú ikki vænta, at hon trekkir seg saman. Beint aftaná viðgerðina kann húðin vera kensluleys, men tað er ongin pína, og tú kanst fara beint aftur til arbeiðis, um tú ynskir tað.
Vit viðmæla at tú onki etur tveir tímar aftaná viðgerðina, og drekkur nógv vatn. Besta úrslitið fæst við at massera umráðið í umleið 5 minuttir hvønn dag tær næstu 8-12 vikurnar.
Áðrenn og aftaná Feittfrysting á búkin hjá Klinikk B og LPG
Áðrenn og aftaná Feittfrysting á “BH” dellurnar hjá Klinikk B og LPG
Áðrenn og aftaná einkulta feittfrysting hjá Klinikk B
Bílegg tína tíð online ella við at ringja til okkara.
